БҮХ НИЙТИЙН МАРАФОН ГҮЙЛТ БОЛЛОО

Монгол цэргийн өдөр, Зэвсэгт хүчний 97 жилийн ойн хүрээнд батлан хамгаалах хууль тогтоомж, үйл ажиллагаа, Зэвсэгт хүчнийг сурталчилах, иргэдэд бие бяладар, сэтгэл зүйн тэвчээр хатуужил олгох зорилгоор аймгийн Засаг даргын нэрэмжит бүх нийтийн марафон гүйлтийг өнөөдөр Цэргийн штаб, Цагдаагийн газар, БТСГ-аас хамтран зохион байгууллаа

Бүх нийтийн марафон гүйлтэд Төрийн байгууллага, ТББ, ААН, багийн иргэд багтсан нийт 142 тамирчин оролцож 5 км гүйлтийн замд гүйлээ. Тамирчид Баганат талбайгаас гараанаас гарч Хонгор хотхоны замын уулзвар, ББХТ-ийн замын уулзвар, ОБГ-ын замын уулзвар, БТСГ-ын замын уулзвар гэсэн маршрутаар гүйж Баганат талбайд барианд орж ирсэн юм.

Тус тэмцээний цэргийн төрөлд Зэвсэгт хүчний 339-р ангийн алба хаагч, дэслэгч Д.Даваасүрэн, байлдагч Б.Баярмагнай, дэд ахлагч Д.Батсайхан, энгийн эрэгтэй төрөлд аймгийн НЭ-ийн тамирчин Д.Итгэлт, Баянхонгор сумын иргэн А.Мөнгөншагай, Ч.Ялалт нар, энгийн эмэгтэй төрөлд БТСГ-ын тамирчин М.Энхзаяа, 339-р ангийн алба хаагч Э.Цэрэндулам, Баянхонгор сумын иргэн С.Даваажаргал нар эхний гурван байранд тус тус орлоо.

 

НИЙТЭЛСЭН: 2018-03-14 04:48:26